Две нови дојави за бомби во патнички авиони се регистрирани денеска на летовите од Рим за Лисабон и од Прага за Рим, додека Европската организација за безбедност на воздушната пловидба, Евроконтрол, соопшти дека од 3 ноември повеќе од 20 летови биле цел на закани со бомби.
Авион на авиокомпанијата „Рајанер“ (Ryanair), на лет од Рим за Лисабон, утрово слетал во главниот град на Португалија, по што на аеродромот била спроведена безбедносна операција, пренесува АНСА.
Португалската полиција ја примила дојавата телефонски од припадник на силите на редот, чиј идентитет бил проверен од припадниците на правосудната полиција.
