Од Управата за хидрометеоролошки работи за денес најавија облачно време со повремени локални врнежи од дожд, со слаб до умерен интензитет, особено попладне и во текот на ноќта. Ќе дува слаб ветер од северен правец.
Минималните температури ќе бидат во интервал од 4 до 12 степни, додека максималните ќе се движат од 13 до 16 степени Целзиусови.
Под влијание на циклонска активност од утре до вторник времето ќе биде претежно облачно и постудено со повремени врнежи од дожд со променлив интензитет. Пообилни врнежи ќе има во недела и во понеделник кон крајот на денот и во текот на ноќта кон вторник.
На повеќе места се очекува да наврне поголема количина на дожд (над 25 литри на метар квадратен за 24 часа), а во текот на прогнозираниот период локално и над 60 литри на метар квадратен.
Од среда се очекува постепена стабилизација на временските услови.
