Од полноќ, нови, повисоки цени на горивата во земјава, соопшти Регулаторната комисија за енергетика. Бензините поскапуваат за два денара за литар, дизелот за еден денар.
Просечното зголемување на малопродажните цени изнесува 1,55 насто.
Според одлуката на РКЕ, максималните цени ќе изнесуваат 93 денари за литар ЕУРОСУПЕР БС-95, 95 денари за ЕУРОСУПЕР БС-98 и 100 денари за литар ЕУРОДИЗЕЛ.
Цената на екстралесното масло за домаќинство останува непроменета и ќе изнесува 110 денари за литар. Мазутот поскапува за 1,30 денари за килограм – новата цена ќе биде 55,573 денари.
