Дводневен состанок на министрите за надворешни работи на седумте најразвиени земји, во рамките на француското претседателство со Г7 во Париз.
Американскиот државен секретар, Марко Рубио, навести што би се дискутирало за претстојниот состанок. Рубио рече дека Французите имаат поставено дневен ред за состанокот, наведувајќи дека би можеле да разговараат за војната во Иран, тековните трилатерални разговори Русија-Украина-САД и мноштво други прашања, како што е суперразузнавањето.
„Имаме агенда што ја поставија Французите. Ќе зборуваме за суперразузнавање, за некои од глобалните конфликти. Сигурен сум дека ќе имаат многу прашања за состојбата на Блискиот Исток во однос на Иран. Мислам дека очигледно ќе има разговор – Украинците ни се придружуваат, ќе бидат таму. Сигурен сум дека таа тема ќе се појави и мислам дека ќе бидат љубопитни да знаат дали е постигнат некаков напредок во техничките разговори во Абу Даби. А потоа претпоставувам дека има мноштво други прашања што ќе сакаат да ги дискутираат. Но, агендата, ќе ја видите“, рече државниот секратар на САД.
Ова е прво меѓународно патување на Рубио по среднорочните избори кои им зададоа тежок удар на републиканците врз администрацијата на Доналд Трамп во Сенатот и Претставничкиот дом.
