По водата, кафето е најконсумираниот пијалак во светот. Кафето е ритуал, уживање, пауза, разговор, насмевка. Кафето ги поврзува луѓето, поттикнува средби и често е пијалакот без кој не можеме да си го замислиме денот.
Светскиот ден на кафето се одбележува секоја година на први октомври, а датумот е официјално воспоставен во 2015 година од Меѓународната организација за кафе, за време на EXPO во Милано. Денот е и потсетник за подигање на свеста за фер трговија со кафе и оддавање признание на милионите фармери, собирачи и баристи кои учествуваат во неговиот
Постојат над 100 различни видови кафе, но двете најпознати се Арабика и Робуста. Најдоброто кафе зависи од изборот на зрната и подготовката. Панама го сервира најдоброто кафе на земјата. Жителите на Панама се сериозни во врска со тоа колку кафе пијат. Како население, консумираат околу 20 милиони килограми годишно, или пет килограми по глава на жител, што е еквивалентно на околу 700 шолји по лице. Ова е околу два килограма по глава на жител повеќе од другите земји производители на кафе, како Бразил и Колумбија.
Според Меѓународната организација за кафе, Бразил произведува најмногу кафе во светот. Сепак Панама го надоместува квантитетот со квалитет, благодарение на една многу посебна сорта, позната како Гејша, зрно кое потекнува од шумата Гори Геша во Етиопија.
