Британскиот актер Сер Патрик Стјуарт, познат по улогите во франшизите „Ѕвездени патеки“ и „Икс-мен“, почина на 86-годишна возраст, објави американскиот портал ТМЗ, повикувајќи се на објава на неговите официјални профили на социјалните мрежи.
Според соопштението, Стјуарт починал во понеделникот, опкружен со сопругата Сани, семејството и пријателите, по кратка борба со Алцхајмерова болест.
Актерот имаше шестдецениска кариера, која ја започна на театарската сцена во доцните 1960-ти години, како член на Кралската шекспирова театарска компанија. Дебито на Бродвеј го имаше во 1971 година, во претставата „Сон на летната ноќ“.
Светска слава стекна како капетанот Жан-Лик Пикар во серијата „Ѕвездени патеки: Следната генерација“, во која се појави во 176 епизоди, како и во четири филма од франшизата.
Во раните 2000-ти години ја презеде улогата на професорот Чарлс Ксавиер во филмската франшиза „Икс-мен“, лик што го толкуваше и во подоцнежни остварувања.
Меѓу другите негови познати проекти се „Дина“, „Тед“, „Робин Худ: Мажи во хулахопки“, како и гласовни улоги во анимирани филмови и серии.
Стјуарт беше добитник на наградата Греми, четирикратен номиниран за Еми и трикратен номиниран за Златен глобус. Освои и две театарски награди „Оливие“. Во 2020 година ги објави своите мемоари под наслов „Making It So“.
