Претседателката Гордана Сиљановска Давкова во Брисел остварила работна средба со амбасадорите на земјите членки на групата „Пријатели на Западен Балкан“, посветена на регионалната соработка и европската перспектива на земјите од Западен Балкан.
И покрај блокадата во пристапниот процес, солидното ниво на усогласеност на нашето законодавство со правото на Европската Унија и стопроцентната усогласеност со заедничката надворешна и безбедносна политика на ЕУ ја потврдуваат македонската посветеност на евроинтегративниот процес, вели Сиљановска Давкова.
Како дополнителна потврда за тоа, го посочив забрзаното спроведување на Реформската агенда, наведено и во овогодишниот извештај на Европската комисија.
Очекувам интензивирање на македонскиот пристапен процес и посакувам интеграцијата на регионот да биде приоритет на претстојните претседателства со Советот на Европската Унија, особено за време на претседателствувањето на Грција и Италија, како пријатели на Западен Балкан, додала на средбата Сиљановска Давкова.
