Градоначалникот на Дубровник, Мато Франковиќ, на седница на Градскиот совет повторно ја отвори темата за консумирање кокаин. Франковиќ обвини дека камиони со кокаин се уште пристигнуваат во Дубровник и општо во Хрватска. Тој предложи воведување тестирање за дрога за сите домашни политичари.
,,Камионите се уште се тука. Тие пристигнуваат редовно и никогаш не доцнат. Цената расте, делумно поради инфлацијата и цените на горивата, а треба да го земеме предвид и фактот дека имаме добра туристичка сезона зад нас, поради што побарувачката дополнително се зголеми”,изјави Франковиќ.
Градоначалникот на Дубровник, Мато Франковиќ, претходно предизвика реакции во јавноста на седница на Градскиот совет во октомври 2025 година, кога за првпат изјави дека количината на кокаин во Дубровник се мери во камиони, а не во грамови, и дека се шмрка на секој агол.
Во тоа време, тој исто така предупреди за катастрофалната количина на амфетамини и екстази достапни за младите луѓе. Градоначалникот на Дубровник, Мато Франковиќ, рече дека кокаинот станал дрога на оние кои „имаат пари и не знаат што да прават, па полудуваат и шмркаат додека не се онесвестат“, велејќи дека за тоа мора отворено да се разговара бидејќи проблемот станал преголем.
